Wasiir Xoosh “Jawaari Wuu Iscasilay Mooshinkiina Waa La Laalay”.

Wasiir Xoosh
Wasiir Xoosh

MUQDISHO (XOGTA.NET) – Wasiirka Dastuurka C/raxmaan Xoosh Jibriil ayaa shaaciyay in Guddoomiyaha Baarlamaanka Maxamed Sheekh Cusmaan Jawaari uu is casilay, isla markaana mooshinkii ka yaallay la laalay.

Qoraal uu soo dhigay bartiisa Twitter-ka ayuu ku shaaciyay Mr Xoosh oo ka mid ahaa xubnaha ay si aad ah siyaasadda ugu loolameen isaga iyo Jawaari, marka loo eego Barnaamijka Dastuurka.

“Waa Rasmi Guddoomiye Jawaari waa is casilay, Mooshinkii waa la laalay”ayuu yiri Mr Xoosh qoraal uu soo dhigay bartiisa Twitter-ka.

Xildhibaan C/rashiid Dahir Gaboobe ayaa sheegay in in Guddoomiye kuxigeenka 1aad C/wali Muudey oo soo gaaray xarunta Golaha Shacabka uu ku wargelyay inuu Jawaari is casilay, isla markaana maalinta arbacada uu kulanka guud kaga dhawaaqi doono.

Inkastoo aanu Jawaari si rasmi ah ugu dhawaaqin is casilaada, hadana waxaa muuqata in si hoose loo dusiyay wada xaajoodkii ay xalay isaga iyo Madaxweynaha yeesheen, taasoo ka dambeysay inuu ogolaado is casilaada.

Si kastaba ha ahaatee, Xaalada siyaasadeed ee uu dalka ku jiray ayaa u muuqata mid soo afjarmeysa, waxaana la is weydiinayaa halka ay ku dambeyn doonto kala aragti duwanaanshihii iyo iska soo horjeedak xildhibaanada labada dhinac