MOMBASA: Wiil Soomaaliyeed Oo Maxkamad Lasoo Taagay Oo Isku Damiintay Lacag Gaareeysa 50,000 Oo Shillin Kenya.

Eedeysane Axmed C/llaahi Daahir
Eedeysane Axmed C/llaahi Daahir

MOMBASA (XOGTA MEDIA) – Wiil dhallinyaro Somali oo ka mid ah Soomaalida ku nool magaalladda Mombasa ee dalkaasi ayaa shalay la soo taagay Maxkamadda, isagoo lagu so ooogay inuu haystay hub sharci-darro ah iyo Shaabadda Booliska Kenya oo been abuur ah.

Wargeyska The Standard oo aan Warkan ka soo xiganay ayaa qoray in Eedeysane Axmed C/llaahi Daahir lagu soo oogay inuu haystay Bistoolad, Rasaas iyo Timbaraha Boliska Kenya oo macmaal ah.

Dacwad-oogayaasha waxay sheegeen inay ku soo qabteen Bistoolad nooceedu ahaa CESKA iyo 25 rasaasta dhumucdeedu tahay 9 millimeter Caliber iyo inuu haystay Dukumentiyada Milkiyadda hubkaasi oo la been abuuray iyo Shaabadda Booliska oo macmal ah.

Eedeysanaha oo bishii April 18-dii ee sannadkan laga soo qabtay Xaafadda BONDENI  ee magaalladda Mombasa waxa uu beeniyey dhamaan Eedeymihii lagu soo oogay.

Ugu dambeyntii, Garsooraha Maxkamadda ayaa sheegay in Dacwadda dib loo dhegeysan bishan May 28-da, waxaana  Eedeysanaha lagu sii daayo Damiin Lacageed oo dhan 50,000 oo Shillinka Kenya.